CI Ho G7+ Realiza Forum Editorial Ba Jornalista

DILI, STLNEWS.co – Konselhu Imprensa (KI) hamutuk ho organizasaun G7+ realiza forum editorial konaba papel G7+ nian ba jornalista sira.

Tuir Reprezentante Diretor Ezekutivu KI, Altino da Cruz Freitas, hatoo agradese ba ekipa tekniku husi G7+, tanba parte KI halo ona komunikasaun ho kolega jornalista sira, no ohin bele realiza atividades ida nee.

“Ohin loron ita mos iha enkontru ida nee, ita koalia konaba G7+ nia servisu, atu nunee bele apar didiak programa no politika no estratejia husi ita nia ekipa G7+, hodi promove Timor Leste ba iha mundu, liu-liu publikasaun sira konaba pas,” dehan Altino liu husi diskursu iha sala konferensia G7+ Palasiu Governu, Dili, Sesta (09/02/2024).

Nia dehan, maluk sira, hanesan hotu-hotu hatene katak, KI harii bazeia ba lei Komunikasaun Sosial ho nia knaar importante sira mak atu promove Liberdade Imprensa no espresaun, promove mos independensia liu husi Komunikasaun Sosial sira hodi asegura jornalista sira halao sira nian knaar, inklui asegura produtu jornalistiku.

Neebe liu husi programa ida nee kada fulan ou kada fulan 3 Konselhu Imprensa sempre realiza enkontru ida ho kolega estrutura redasaun média no media nain atu koalia konaba indisius sira inklui mos monitorizasaun nian.

(mar)

LEAVE A REPLY

Please enter your comment!
Please enter your name here