DILI, STLNEWS.co – Bankada CNRT hahu lobi Bankada FRETILIN iha Parlamentu Nasional (PN), nunee bele iha intendimentu ba figura Komisariu Komisaun Anti korupsaun (KAK), molok hakat ba eleisaun.
Prezidente Bankada CNRT, Deputadu Duarte Nunes hatete, relasiona atu halo konsensu ho bankada sira seluk konaba kandidatura KAK nian, ohin CNRT hahu buka ona.
“Ohin hau buka ona, maibe ami rua seidauk hasoru malu, tanba nia laiha, mais tempu badak pasti ami hasoru malu. Tanba hakarak ka lakohi bankada boot 2 nee tenki lian ida, uluk problema ona agora tenki tuir dalan karik sira hakarak ami hakarak, prosesu eleisaun Komisariu KAK bele lao,” dehan nia ba jornalista sira iha PN, Segunda (18/09/2023).
Nia afirma, ohin koalia ona ho Visi Prezidente Bankada FRETILIN katak, buka aranja fatin atu koalia, mais laos koalia buat seluk, mais liga ba asuntu KAK nian.
“Tenki iha konsensu, se laiha konsesu mak sei la jadi, tanba iha esperensia ona. Nao ser ita muda lei, problema mak la hanesan, se muda lei dalan nakloke, maibe haree ba kandidatu neebe governu haruka mai 2 signifika, ita tenki koalia ba malu bankada boot 2 hakarak kandidatura ida neebe,” haktuir nia.
Nia sublina, kandidatura 2 nee goveru submente mai kompletu kedas ho sira nia CV inklui esperesnia sira mos iha hotu, mais ida nee laos dadus ida atu hola desizaun ona, tenki koalia tanba deputadu sira mak sei desidi.
Nia salienta, PN ema hotu politika, tanba nee partidu boot 2 tenki iha konsensu atu haree entre kandidatura 2 se mak independente, hodi bele iha konkodansia ba malu hodi hili se.
(gui)
