DILI, STLNEWS.co – Bankada CNRT iha uma fukun Parlamentu Nasional (PN) konsidera Servisu Autonomu Medikamentus no Ekipamentu Saude (SAMES) hatene husu osan, maibe ba sunu fali osan, tanba hola aimoruk husi nasaun neebe dook molok too Timor Leste (TL), liu prazu tenki lori ba sunu hotu deit.
Lia hirak nee haktuir husi Deputadu Bankada CNRT, Gabriel Soares liu husi plenaria iha PN, Segunda (31/07/2023).
“SAMES ninia problema mak husu osan ba sunu, i husu osan ba hola reagentes la kualidade, nia problema mak ida nee,” dehan nia.
Nia afirma, pesaolmente hatete husu osan ba sunu osan, tanba husu osan para halo aprovizionamentu no halo atikisaun aimoruk, entaun aimoruk halo akijisaun iha tenderizasaun ba sosa aimoruk husi India mak mai, entaun ho distansia husi India mai too TL nee dook tebes.
Nia sublina, TL iha nasaun vijinhu besik ho Indonezia, maioria TL bele husu aimoruk parcetamol mai husi Indonezia, tanba sa mak la besik iha nee hodi fasilita.
“Tanba husi India mai tama Timor demora tempu hira, molok too iha nee ai-moruk mos sai kadarwas ona, entaun tenki ba sunu, tanba nee hau dehan husu osan ba sunu osan, no husu osan hola reajente la kualidade, ida nee bele prejudika saude sidadaun TL tomak,” hakotu nia.
(dom)
