CNRT-PD Prontu Ona Forma IX Governu

DILI, STLNEWS.co – Partidu CNRT ho Partidu Demokratiku (PD) prontu ona atu forma IX Governu iha tempu besik, tanba eleisaun parlamentar hotu tiha ona, rezultadu Komisaun Nasional ba Eleisaun (CNE – sigla portugues) haruka ona ba Tribunal Rekursu atu valida, tan nee iha tempu besik IX Governu sei estabelese, tanba kalendariu ba formasaun IX Governu, Prezidente Republika fo sai ona.

“CNRT ho PD preparadu atu forma governu, no agora ita hein Tribunal Rekursu, tanba nee Prezidente Republika fo sai ona data katak, iha loron 12 pose ba membru parlamentu no iha loron 17 ou 18 tomada de pose ba membru governu, karik kalendariu nee fo sai ona ha Jornal da Republika,” Kestaun nee fo sai husi Deputada Bankada CNRT, Maria Barreto ba STL Sabadu (03/06/2023) liu husi telefone.

Nia afirma, iha lei eleitoral mos hatete, hafoin tribunal fo sai data valida mak fo tempu iha loron 10 nia laran hodi forma governu, tan nee la presiza dada tempu naruk, tanba kalendariu mos fo sai ona, no partidu sira neebe atu ba kaer ukun mos preparadu tiha ona.

Iha parte seluk, liu husi telefone STL koko atu konfirma pozisaun Partidu Demokratiku (PD) konaba sira nia pozisaun formasaun IX Governu, maibe Deputadu Antonio da Conceicao laiha tempu tanba okupadu.

(mad)

LEAVE A REPLY

Please enter your comment!
Please enter your name here