DILI, STLNEWS.co – Bankada CNRT iha Parlamentu Nasional (PN) sei loke inisiativa atu halo alterasaun ba lei pensaun vitalisia (LPV), neebe durante nee sai ona konsumu publiku.
Prezidente Komisaun A, Deputadu Patrocino Fernandes hatete, lei pensaun vitalisia sai konsumu publiku, no lei refere mos laos materia Komisaun A, iha Deputadu nain 9 iha Komisaun nee nian, se ida nee mak deputadu nain 9 nian, entaun ohin tur hanoin halo alterasaun kedas, mais nee konsumu publiku husi tempu ba tempu publiku nia materia importante mak lei pensaun vitalisia.
“Em prinsipiu Deputadu husi Bankada CNRT ami nakloke hela iha inisiativa halo alterasaun ba lei ida nee, maibe CNRT hanoin hela katak, oras nee Komisaun A konsentra hela ba prioridade lei sira, neebe bele loke dalan ba governu atu halo intervensaun lalais rezolve povu nia problema konaba bee moos, estrada,” dehan nia ba jornalista sira iha PN, Sesta (13/10/2023).
Nia afirma, mas konserteza tama hela iha planu mos atu halo alterasaun tanba, ema hotu akompania didiak programa governu nian, kompromisu ida mak inklui alterasaun ba lei pensaun vitalisia.
(dom)
