DILI, STLNEWS.co – Governu tenki fo atensaun ba fatin turizmu relijiozu hanesan Cristo Rei, neebe oras nee nakonu ho lixu, tanba laiha atensaun husi parte relevante sira.
“Lo-loos ita tenki fo importansia ba fatin turizmu sira nee, vizitante ida neebe mak ba vizita fatin nee tenki soe foer iha nia fatin, atu nunee fatin sira nee bele sai mos hodi atrai ema, laos ba vizita tiha soe lixu lekar hela iha dalan ibun no uma oan sira nee foer nakonu,” kestaun nee fo sai husi Deputada Bankada CNRT, Sedeliza dos Santos liu husi sesaun Plenaria iha Parlamentu Nasional, Tersa (11/07/2023).
Nia afirma, Cristo Rei hanesan fatin turizmu ida neebe lokaliza iha kapital Dili, tanba nee bainhira vizitante sira mai husi rai liur sei ba vizita uluk Cristo Rei, maibe fatin sira nee governu ladun fo importansia, tan nee lixu lekar los iha neeba.
(mad)
