Ekipa Somotxo-Rui Sei Halo Reasaun Ba Derota FRETILIN

DILI, STLNEWS.co – Relasiona ho Partidu FRETILIN derota ka votus tun iha eleisaun parlamentar, tanba nee Rui Maria de Araújo ho José Agustinho Somotxo hamutuk ho ekipa sei halao konferensia imprensa hasoru lideransa tuan partidu nian.

Informasaun nee hatoo husi Deputadu FRETILIN, José Agustinho Somotxo katak, aban hahu tuku 10:00 OTL sei iha sinal ruma estadiu munisipiu Dili nia oin, neebe iha neeba sei halao konferensia imprensa no konvida media komunikasaun hotu, konferensia imprensa nee hamutuk ho Rui Araujo no ekipa mak sei halao.

“Hau parte koalia ona iha Luza, ida neebe aban primeira reasaun ba FRETILIN nia derota, ami sei koalia pontu 3 mak hanesan demisaun, konvoka kongresu estraordináriu, ikus eleisaun direta”, dehan Deputadu FRETILIN José Agustinho Somotxo iha Dili ba STL liu husi telefone, Sesta nee (26/05/2023).

Nia dehan, pontu 3 deit mak koalia, sira seidauk koalia buat barak, se ida nee mak sei taka matan nafatin, laiha konsiderasaun husi lideransa tuan, konserteza asaun sei mai bele halo moe.

“Tanba kuandu asaun sira manifestasaun mai nee, signifika katak hasoru ditadura, ema neebe hakarak mate deit iha poder, tanba nee ami lakohi too iha neeba”, tenik Somotxo.

Tuir nia, konferensia imprensa nee sei koalia deit pontu 3, sei laiha seluk tan.

(gui)

LEAVE A REPLY

Please enter your comment!
Please enter your name here