DILI, STLNEWS.co – Embaixador Australia iha Timor Leste (TL) hamutuk ho Enkaregadu Estadus Unidos Amerika (EUA) ho adidu defeza, relata kooperasaun servisu ba Prezidente Republika Jose Ramos Horta.
Bainhira remata halo enkontru, Embaixador Australia iha Timor Leste, Bill Costelo ba hatete jornalista sira iha Palasiu Prezidente Bairu Pite, Kinta nee (16/03/2023).
“Hau nia vizita ohin ho Enkarregadu EUA nian no hau nia adidu defeza nee ho objetivu atu halo brifing. Prezidente Republika ho anunsiu importante mai husi Prezidente Estadus Unidus. Primeiru-Ministru Australia no Primeiru-Ministru Reinu Unidu nian koalia konaba ita nia kooperasaun iha futuru, konaba dezenvolvimentu kapasidade Australia nian atu kaer armas konvensionalmente, maibe iha planu longu prazu ba Australia atu halao submarinu nukleal nian, hodi hatan ba ambiente estratejiku iha ita nia rejiaun no ami halo parseria ho Estadus Unidus no Reinu Unidu atu harii kapasidade atu koopera submarinu sira nee ho seguru,” dehan nia.
Nunee mos oinsa Australia nia apoiu ba halo konstrusaun Porto Hera, embaixador hatete, sira nia area mak halo revizaun ba konstrusaun.
Nunee mos konaba Austrália iha kompromisu atu entrega roo patrulha klase-protetor ba Timor-Leste iha faze inísiu konstrusaun nian lao hela, Xefi F-FDTL no sira seluk vizita ona fatin konstrusaun nian. Progresu mak atraza oitoan, maibe sira sei kontinua kontaktu ho ekipa.
(eme)
