DILI, STLNEWS.co – Embaixador Brunei Darusalam ba Timor Leste, Wan Hadfi Lutfan Bin Haji Abdul Latif informa, nia parte onradu tebes bele hasoru Primeiru Ministru (PM), Taur Matan Ruak.
“Hau senti onradu tebes, simu husi Primeiru Ministru Timor Leste. Hau mai iha Timor Leste dezde fulan Julhu tinan nee, no hau aprezenta hau nia karta kredensial iha final fulan Julhu,” dehan Embaixador Brunei Darusalam ba Timor Leste, Wan Hadfi Lutfan Bin Haji Abdul Latif, ba jornalista sira hafoin remata enkontru ho Primeiru Ministru, Taur Matan Ruak, iha rezidensia ofisial Farol, Kinta nee (04/08/2022)
Embaixador nee dehan, Timor Leste ho Brunei Darusalam iha relasaun neebe diak tebes durante tinan 20.
Entretantu, antes nee iha loron 15 fulan Julhu tinan 2022 Prezidente Republika (PR), José Ramos Horta, simu karta kredensial husi Embaixador Brunei Darusalam, Wan Hadfi Lutfan Bin Haji Abdul Latif, neebe sei halao misaun iha Timor Leste.
(alb)
