DILI, STLNEWS.co – Embaixador Korea do Sul iha Timor Leste, Shin Mantaek konvida Prezidente Republika Jose Ramos Horta atu partisipa Jezu Forum iha Korea do Sul.
Bainhira remata hasoru malu ho Xefi Estadu, Embaixador Korea do Sul iha Timor Leste Shin Mantaek ba jornalista iha Palasiu Prezidente Bairru Pite, Tersa (11/04/2023) hatete, ohin nia mai konvida prezidente atu partisia Jezu Forum iha Korea.
“Hau mai informa, Korea konvida prezidente atu partisipa Jezu Forum, iha vizita ida nee hau diskuti ho prezidente atu halo enkontru bilateral ho prezidente Korea, koalia konaba ajenda, para enkontru bilateral nee akontese entre prezidente nain rua,” dehan embaixador nee.
Nia hatutan, ohin mai diskuti konaba ajenda no data fiksu, embaixador sei informa fali ba iha Prezidente Republika nunee planu hodi vizita Korea.
“Assuntu segundu hau mai informa mos konaba apoiu husi kompanhia samsun neebe apoiu sasan balun ba iha prezidensia neebe mai diskuti oinsa para halo serimonia de entrega ba prezidensia neebe sei halo iha tempu badak,” katak embaixador.
Iha biban nee, embaixador mos partilha informasaun balun konaba Korea nia apoiu ba Timor Leste, liu-liu ba iha programa kapasitasaun rekursu umanu saida mak Korea sei apoiu ba Timor Leste tama fuul iha membru ASEAN.
Nia dehan, Korea komprimitidu lao hamutuk ho Timor Leste iha tempu agora no ba oin fo asistensia ba dezenvolvimentu TL nia.
Apoiu neebe mak Korea sei fo apoiu ba Timor Leste mak hanesan ropa no barak liu mak sepatu no sei haruka kaixa lubuk ida tau iha palasiu entrega ba PR mak sei hatene.
Prezidente Republika Jose Ramos Horta hatete, apoiu ropa neebe mak mai husi Koreia, ida nee PR rasik mak sei lori fahe ba komunidade sira iha area remotas, no Prezidente Republika mos husu ba embaixador atu akompanha bainhira tun distribui sasan sira nee ba komunidade iha area rural.
Nunee mos konaba konvite embaixador nia iha Jezu Forum neebe realiza iha Korea, PR rasik iha kompremitidu atu partisipa.
(eme)
