Empreza 4 Liu Konkursu Publiku Ba Esplorasaun Rikusoin Minerais

DILI, STLNEWS.co – Ministeriu Petroliu Rekursu no Minerais (MPRM) halo anunsia ba konkursu publiku empreza sira neebe selesionadu atu halo esplorasaun ka halo peskiza ba rikusoin minerais iha Timor Leste.

Tuir Ministru Petroliu Rekursu no Minerais, Francisco da Costa Monteiro katak, ohin marka pasu importante, bele dehan momentu istoriku ba prosesu esplorasaun ba rikusoin sira.

“Iha rezultadu konkursu publiku nee iha kompanhia 4 mak manan nain ba konkursu nee, atu dezenvolve ba setor mineral iha Baukau, Lospalos, Vikeke, Manatuto no Oekusi”, katak Ministru Petroliu Rekursu no Minerais, Francisco da Costa Monteiro ba jornalista sira iha Hotel Timor, bainhira halao anunsia rezultadu TL Minerais ba 2023, Kinta (30/11/2023).

Nia dehan, momentu Autoridade Nasional dos Minerais (ANM) loke nee iha teritoriu tomak, maibe iha depois hatama proposta, iha momentu nee institutu sira neebe temi nee mak iha esplorasaun ba bloku sira, maibe sei bloku barak tempu oin mai sei loke fali konkursu pubiku, hodi haree sira neebe mak iha interese institutu sira seluk mai halo esplorasaun iha teritoriu tomak.

Nia katak, tipu ba mineral iha faze esplorasaun, maibe nia tipu iha indikasaun lubuk ida, Ouro, manganes no seluk tan. Agora iha tendensia mundial atu atensaun makaas ba enerjia tranzisional, iha nesesidade barak iha mundu buka minerais sira neebe mak espesifika tebes, presiza halo ba batray no komponentes barak. Bolu dehan minerais kritikal estratejiku, neebe husi explorasaun nee sei deskobre minerais sira hotu, no sei hatama ba planu depois aprova mak fo lisensa atu halo.

Nia klarifika, esplorasaun nee katak, iha faze peskiza ho investigasaun, neebe iha peskiza ka investigasaun nee bele too tinan 2 ka 3.

Kontinua ba pajina 2

LEAVE A REPLY

Please enter your comment!
Please enter your name here