DILI, STLNEWS.co – Durante tinan 4 Autoridade Inspesaun, Fikalizasaun Atividade Ekonomia, Sanitaria no Alimentar (AIFAESA) eziste hanesan instituisaun espetiva ho nia papel neebe importante hatudu progresu, maibe sei nafatin hasoru dezafiu, mak hanesan laboratoriu, rekursu umanu no menus transporte.
Tuir Inspetor AIFAESA, Ernesto Monteiro hatete, AIFAESA IP nudar instituisaun espetiva neebe ema hotu hatene, katak papel importante AIFAESA tenki halao nia atividade no hatudu progresu, maibe dezafiu boot ida neebe AIFAESA sei hasoru hela too agora mak laiha laboratoriu, rekursu umanu no menus transporte.
“Progresu neebe ami hatudu liu husi atuasaun, konsege atua preokupasaun publiku hanesan presu nesesidade baziku neebe la los, ai haan ladun iha saudavel no empreza balun ninia lisensa ba atividade laiha, maibe ami nia difikuldade mak lLaboratoriu, too agora laiha nee sai preokupasaun inklui rekursu umanu, transporte atu fasilita ami nia servisu halo monitorizasau iha baze sei menus,” Ernesto hatoo preokupasaun hirak nee iha ambitu serimonia aniversaoriu AIFAESA IP ba dala 6 iha Delta Nova, Kuarta nee (27/07/2022).
Tuir nia, AIFAESA iha limitasaun buat lubuk liu-liu ema, maibe iha tinan nee ita bele aumenta ona ema nain 10 hodi apoiu servisu, preokupasaun seluk mos transporte limitadu, tan nee difikulta servisu autoridade nian.
(mad)
