DILI, STLNEWS.co – Daudaun nee juventude inklina aan iha Grupu Arte Marsiais no Arte Rituais, kotinua konfrontu, atu evita instabilidade iha Timor-Leste, lideransa tenki kohnese malu, lidera membru kria pas no estabilidade.
Tuir Visi Bankada FRETILIN hanesan mos membru Komisaun B, trata asuntu Negosiu Estranjeirus, Defeza no Seguransa, David Dias Madati, lamentavel problema entre joven sira iha Arte Marisiais, tanba nee sira tenki hatene fahe Arte Marisiais ho Arte Rituais, Arte Marisiais tenki koloka ba grupu desportivus, tanba uluk funu laran presiza sira nia kontribuisaun.
Agora funu laiha lideransa Arte Rituais ho Arte Marisiais sira tenki hatene organiza sira nia membru atu sira sai ema desportisva, labele husik deit hanesan nee.
“Labele nega Arte Marisiais no Arte Rituais, tempu funu ami uza sira, agora ita tenki hatene uza fali sira. I lideransa arte sira tenki konhese malu, organiza membru, tanba Arte Marisiais sira nee kontribui ba ukun rasik aan”, katak visi.
Bankada FRETILIN hanesan mos membru Komisaun B, trata asuntu Negosiu Estranjeirus, Defeza no Seguransa, David Dias Mandati, ba STL iha Parlamentu, Sesta (18/08/2023).
Nia dehan, tenki hatene koalia ho sira, i sira nia lideransa ba iha arte nee tenki tau ema neebe konhese malu, tanba tau ema neebe sira la konese malu nee labele fo sala ba sira.
Nunee mos Prezidete Parlamentu Nasional (PPN), Maria Fernanda Lay hatete, estabilidade nasaun no seguransa iha rai laran, importante tebes, se joven ezije kampu servisu atu labele sai ba liur, sira mos tenki kria estabilidade, laos tanba laiha ona servisu tenki ba baku malu, ida nee impaktu ba futuru, i impaktu mos ba investidor sira atu mai investe.
Governu rasik mos iha problema, aat liu tan instituisaun estadu nian mak hola parte iha grupu nee, bainhira akontese problema la rezolve maibe tau fali gazolina”, ketiona PPN Lay.
Nia katak, joven maioria estudante intelektuais, diak liu hanoin futuru nasaun, kria estabilidade, dada mos investores sira mai investe, tanba nee servisu laiha diak liu tur hakmatek iha uma, lalika hanoin kria konflitu.
Nunee mos Prezidente Komisaun B, trata asuntu Negosiu Estranjeirus, Defeza no Seguransa Domingos Agusto “Deker” hatete, sidadaun neebe gosta sadik malu, halo problema, komfrontu, nee hahalok ladiak, tanba kari sira lahatene saida mak durante nee luta heroi sira ba rai da nee ba independensia.
Tuir nia, sidadaun sira tenke iha konsiente, atu kaer metin unidade nasional, kuda esperitu nasionalizmu no patrotizmu sai sidadaun neebe diak, hodi sai sidadaun neebe diak, liu-liu joven sira atu iha konsiente katak joven mak futuru nasaun tanba nee tenki kria pas no estabilidade.
(gui)
