DILI, STLNEWS.co – Ezekusaun Orsamentu Retifikativu (OR), Sekretaria Estadu Igualdade (SEI) atinji ona 60%, enkuantu Orsamentu Jeral Estadu (OJE) ba 2024 halo ona diskusaun, hein envlope fiskal.
“Ba tinan 2024 ami hein hela pakote fiskal, maibe ami iha faze diskusaun, tanba nee hau labele pronunsia buat ruma ka konaba tetu orsamentu. Enkuantu ba ezekusaun OR, SEI atinji ona 60%, nee inklui komitmentu tanba nee atinji 60 %,” informa SEI, Elvina Sousa ba Jornalista, Kuarta (27/09/2023) iha Palasiu do Governu.
Nia informa, konaba prioridade SEI iha 2024, normalmente ba empoderamentu feto iha politika no empoderamentu feto iha ekonomia. Tanba nee, SEI asegura katak, linhas ministeriais sira iha programa no orsamentu ba iha prespektiva jeneru no asegura orsamentu ba sensivel jeneru, iha OJE.
Tuir Elvina, SEI nia orsamentu no programa prinsipal, bazeia ba lei fo dalan nudar Sekretaria Estadu.
(gui)
