DILI, STLNEWS.co – Prezidente Republika (PR), José Ramos Horta, ohin konvoka reuniaun ida iha Gabinete Prezidensial ho Prezidente Parlamentu Nasional, inklui membru sira husi Komisaun B no Primeiru Ministru, hodi diskuti konaba agravamentu situasaun dramatika iha Mianmar.
“Lider Timor oan sira konfere deklarasaun unanima neebe hasai husi Prezidensia ASEAN no rezolusaun unanima husi Konselhu Seguransa ONU konaba ezekusaun trajika no arbitraria ba sidadaun sivil nain haat (4), membru husi pro-demokratiku Mianmar,” haktuir komunikadu imprensa neebe STL simu husi media office Palasiu Prezidensia Nicolao Lobato,Bairo Pite, Dili, Sesta (29/7/2022).
“Timor-Leste apela mos ba komunidade internasional atu kontinua hakbiit esforsu tomak atu kontribui, hodi hatuur hikas fali orden demokratiku liu husi dialogu ho parte hotu-hotu,”tenik komunikadu nee.
Lider Timor oan sira neebe partisipa iha reuniaun nee elojia pozisaun husi dirijente ASEAN no husi Konselhu Seguransa ONU nian no apoiu ho forma integral deklarasaun rua nee.
(cri)
