F-FDTL Inaugura Sentru COMAR

DILI, STLNEWS.co – FALINTIL – Forsa Defeza Timor Leste (F-FDTL) realiza serimonia inaugurasaun ba Sentru Operasaun Maritima COMAR, iha komponente Naval, tanba hetan apoiu husi Governu Australia.

Komandante Komponente Naval Kapitaun Mar i Guera, Higino Das Neves liu husi intervista hatete, inaugurasaun ida nee antigu COMAR nian, sentru neebe sira funsiona, maibe iha Dezembru nia mos koordena ho Defence Cooperation Program (DCP) no DCP, dehan sira bele ajuda, tanba nee sira komesa fulan lima, fulan haat servisu.

“Ohin loron imi haree fasilidade ida neebe, ita haree autoestente, nee iha Timor seidauk iha. Sentru infrasoens maritima nee sentru ida neebe ita atu hatama interministerial nian, ema neebe mai servisu iha nee atu akompanha situasaun iha tasi 24 horas liu-liu peska nia ema iha nee,” dehan nia ba jornalista sira, bainhira remata serimonia inaugurasaun COMAR iha Komponente Naval Hera, Dili, Segunda nee (15/05/2023).

Nia dehan, iha petroleu nian, iha nee transporte nian, depois Polisia Maritima, sira hotu iha nee akompanha situasaun iha tasi, depois iha nee mak halo operasaun, planu de operasoens, depois Marina ho Polisia Maritima hamutuk ho peska roo ida ba halo fiskalizasaun iha tasi.

Entaun ida nee mak kuandu opera ona, signifika situasaun saida deit iha ona kapasidade para ajuda ema mout iha tasi no fasil ajuda, i peska ilegal mak iha mos sira bele intervein, trafiku humanu ruma iha tasi mos sira bele intervein.

“Fasilidade hirak nee hetan apoiu husi Australia, 400 Milhoes ba dezenvolve ida nee, benefisiu ba ita mak agora ita iha ona kapasidade monitor ita nia tasi, situasaun saida deit 24 horas, ida nee mak benefisiu boot ba ita,” dehan nia.

Nia hatutan, ida nee mos fo ajudus para Komponente Aero kuandu funsiona sira bele sinkronija informasaun ba malu, bele ba iha terenu, ro ba iha terenu, depois bele kaptura ilegal atividade neebe iha tasi.

Nia esplika, durasaun tempu ba kosntrusaun edifisiu nee, durante fulan 4 ou 5 nia laran.

Iha biban nee, Prezidente Republika Jose Ramos Horta hateten, ohin marka prezensa iha nee, konvite husi Estadu Maior das Forsas atu inaugurasaun sentru ida nee, neebe mak importante tebes dispensavel para reforsa vijilansia Maritima.

“Hau haree kontenti, admira, dezde hahu iha ano 2000, kuandu ita nia parseiru balun la fiar la konkorda, Timor Leste atu harii fali Komponente Naval, too ohin iha ona ita nia elementu Militar Marina 800 resin, ho espesialidade oin-oin, ho formasaun teknik, superior,” dehan nia.

Nia dehan, portu hanesan nee fatin ida nee sei halo tan, hanesan iha portu foun ida ba Komponente Naval, neineik neineik sei aumenta nia fiskalizasaun maritima Aero.

Ho reabilitasaun ro ahi no seluk tan, kualker dia ho aviaun neebe Estadu Unidos oferese ho Drown tan, labele rezolve 100%, nee peska ilegal no atividades seluk, mais pelumenus buat nee mos funsiona hanesan deterens, para ema la tama arbiru.

Se sira haree Timor laiha fisklaizasaun maritima Aero, entaun sira avontade loos, sira haree Timor iha ekipamentus iha menus, nee sira komesa hanoin dalaruma sira tama kalae, halo atividade ilegal.

“Nee duni parabens ba ita nia lideransa sira, ba Komando F-FDTL,” hakotu nia.

(efi)

LEAVE A REPLY

Please enter your comment!
Please enter your name here