DILI, STLNEWS.co – Timor Leste (TL) sei sai membru Organizasaun Mundial Komersiu (OMC – sigla portugues) iha Fevereiru 2014, tanba nee delegesaun OMC hasoru Komisaun C trata asuntu Finansas Publika, hodi koalia ba ratifikasaun konvensaun protokolu domestika.
Tuir Deputada husi Bankada CNRT, atual Prezidente Komisaun C, trata asuntu Finansa Pubika, Cedelizia Farria katak, delegasaun husi OMC TL sai ona observador Mundial Komersiu iha 2016, tanba tinan 2024 TL bele sai ona membru ba OMC.
“Fevereiru 2024, tuir planu TL sai ona membru kompletu ba Organizasaun Mundial Komersiu, tanba nee iha Parlamentu Nasional hola papel katak, presiza lori mos konvensaun ruma, liu-liu konaba Protokolu Domestika mai ratifika”, dehan Deputada husi Bankada CNRT, Cedelizia Farria ba jornalista, Kinta (07/09/2023) iha PN.
Nia hatete, tuir delegasaun OMC sira mos katak, iha lei kuaze 11, maibe nee laos papel PN, maibe nee governu sei halao deit aprovasaun liu husi dekretu governu.
Tuir nia, liga ba prosesu TL adere ba ASEAN, Timor mos tenki sai membru ba OMC, tanba iha ligasaun ho TL atu adere ba ASEAN.
Tuir nia, atu halo ratifikasaun ba konvensaun Protokulu Domestika sei halo iha 2024, bainhira adere ona ba Organizasaun Mundial Komersiu.
Observasaun STL haree katak, reuniaun Komisaun C trata asuntu Finansas Publiku, ho delegasaun Organizasaun Mundial Komersiu (OMC), iha tuku 11 no remata iha tuku 12 liu.
(gui)
