DILI, STLNEWS.co – Membru Parlamentu Nasional (PN) husu ba governu atu fo atensaun lalais ba kondisaun estrada husi Lolotoe mai kampital Maliana, Munisipiu Bobonaro, tanba estrada ladiak, impaktu ba folin fos sae makaas, implika povu kiik neebe laiha rendimentu susar atu han loron ida dala rua.
“Ami husu ba governu atu fo atensaun ba kondisaun estrada husi Lolotoe mai Kapital Maliana, tanba estrada ladiak fo impaktu ba folin fos sae, husi presu US$ 16 too US$ 20 kada saka 25 kg. Fos folin sae susar ba povu kiik atu han loron ida dala rua,” lia hirak nee fo sai husi reprezentante povu iha uma fukun Parlamentu Nasional, Deputada CNRT, Carmida Carlota iha Parlamentu Nasional, Tersa (25/07/2023).
Nia mos husu ba governu atu toma atensaun lalais, tanba fos folin sae difikulta husi kondisaun dalan neebe ladiak, no hetan estragus foin daudaun udan boot nee.
(mad)
