DILI, STLNEWS.co – Bankada FRETILIN iha Parlamentu Nasional (PN) hakfodak ho viajen Prezidente Republika (PR) Jose Ramos Horta, neebe haruka karta mai PN atu halo viajen privadu, maibe ba halo fali reuniaun ofisiais neebe hasoru Governantes Indonezia sira nian.
Deputada Bankada FRETILIN, Maria Angelica Rangel dehan, relasiona ho aujensia PR ho PPN iha TL, razaun fundamental neebe mak PPN sai, hakarak dehan deit iha prosesu konvite neebe iha Prezidente Parlamentu ho nia delegasaun iha fulan 2 antes Junhu, no konfirmadu data neebe mak atu ba, maibe teki-teki PR haruka karta ida mai fo konhesimentu ba iha PN atu halo viajen privadu.
“Hau hanesan bankada opozisaun hakfodak ba viajen privadu ida nee ba halo fali reuniaun ofisiais sira neebe mak hasoru governates husi Indonezia nian, ida nee mak estranu,” dehan nia liu husi plenaria iha PN, Segunda nee (14/08/2023).
Nia tenik, agora kestaun neebe PPN lidera grupu AIPA, nee importante tebes ba TL nia entrada ba iha ASEAN neebe iha ligasaun, pesoalmente hanoin lalika kestiona ida nee.
Nia sublina, maibe atu kestiona mak PR nia pedidu sai husi aujensia iha TL ba halo kestaun privadu, maibe ba husu reuniaun ho governante Indonezia sira, nee mak estranu.
“Husu PR atu fo resposta klaru ba iha povu ida nee katak, kuandu atu sai ba viajen privadu, nee ba viajen privadu, laos ba halo vizita ofisial iha pais neebe ita ba,” afirma nia.
Nunee mos Prezidente parlamentu Nasional (PN), Maria Fernada Lay dehan, hau agradese ba Deputada Maria Angelica neebe ba nia mos hakfodak no PR mos hakfodak nia dehan labele, mais fo informasaun fulan 2 antes.
Nia tenik, neebe atu kansela hanoin iha ultima da ora kustus boot, maibe PR mos desidi fila antes nia enkontru remata.
“Neebe hau hanoin iha protestu, ita boot halo ba PR, laos ba hau,” sublina nia.
(dom)
