FRETILIN Husu Progresu Adezaun TL Ba ASAEN

DILI, STLNEWS.co – Bankada FRETILIN iha uma fukun Parlamentu Nasional (PN) husu proresu preparasaun Timor Leste (TL) nia adezaun ba ASEAN no sai full member ba governu, nee too ona iha neebe.

Deputada Bankada FRETILIN, Cristina Rebelo da Costa dehan, hakarak koalia konaba asuntu ASEAN nian husu Ministru MKAE, tanba TL agora hetan ona estatutu nudar server, foin daudaun liu husi TL nia partisipasaun ikus iha Kamboja.

“Maibe agora hau hakarak husu esforsu saida tan mak MKAE halo, liu husi kordenasaun ho ministeriu sira seluk neebe tutela ba rekizitus sira neebe mak durante nee ASEAN tau hela, atu nunee TL bele atinji duni full member siff, tanba durante nee ita rona beibeik tiha ona observador ba OMK, observador ba ASEAN, maibe atu full member nee deit mak susar ba ita atu atinji,” dehan nia liu husi audiensia publika iha PN, Kinta (30/11/2023).

Nia tenik, konsidera katak desizaun hotu-hotu neebe mak hatur iha ASEAN, neebe dehan desizaun konsensu.

Nunee Visi Primeriu Ministru, Francisco Calboadi Lay dehan, relasiona ho preokupasaun deputada husu konaba prosesu adezaun TL ba ASEAN too iha neebe.

“Hau atu dehan iha papel nee MKAE rasik labele halo mesak, tanba buat nee interministerial neebe involve ministeriu lubuk ida. Adezaun ba ASEAN ita agora tama ona ba iha estatutu ida neebe ita bolu observador, fulan 2 foin lalais TL primeria vez sira konvida ofisialmente bele akonpanha ka tuir ona ba iha korum ASEAN neebe mak ita bolu nivel altu, PM ho hau rasik mak ba partisipa iha neeba, aleinde ASEAN nunee mos iha ASAM ples Japaun, asam ples Coreas, asam ples Sina, asam ples Indu Pasifiku, Asema ples Australia. Ples nee katak, ita bele haree dinamiku ho importante tebes iha rejiaun ida nee, tanba nia dinamiku laos deit iha parte ekonomiku, maibe mos politikamente ita bele hatete ASEAN nee estavel tebes, nia atrai atensaun husi mundu tomak, ita bele haree kuaze iha rejiaun husi nasaun sira seluk,” hatete nia.

Nia tenik, no la estavel mos hanesan ASEAN iha merkadu ida neebe boot tebes tanba okupa milhaun 700 habitantes, signifika iha futuru karik TL mak tama ba iha ASEAN neebe mos benefisiu boot tebes ba Timor, maibe iha Timor rasik mak tenki prepara aan, tanba iha lejislasaun lubuk ida neebe mak tenki prepara ho diak.

Nia afirma, tanba atu tama ba adezaun ba organizasaun boot hanesan ida mak ASEAN, no foin daudaun iha dia 18 too dia 20 iha fali segundu eknontru neebe segundu ves TL partisipa nee ASEAN ples Japaun, katak Japaun mak ASEAN ninian rasik deit.

(dom)

LEAVE A REPLY

Please enter your comment!
Please enter your name here