FRETILIN Konsidera Hapara Servidor Administrasaun Publiku Ho Odiu Vingansa

DILI, STLNEWS.co – Bankada FRETILIN iha Parlamentu Nasional (PN) kosidera IX Governu tama ho odiu vigansa, hodi hapara ema servidor sira iha administrasaun publiku nian.

Deputadu Bankada FRETILIN, Antoninho Bianco dehan, tuir observasaun FRETILIN, funsinariu neebe hapara laos iha SERVE ho AIFAESA deit, maibe kuaze iha instituisaun no kada ministeriu hotu, tanba sira komesa halao sira nia politika neebe atu partidariza administrasaun publika.

“Tanba programa neebe mak sira fokus liu mak desmantelamentu funsinamentu administrasaun publika, se ita hapara ema sira neebe durante nee halao servisu, depois buka fali ema foun, signifika ema nee mai sei aprende hodi halo adaptasaun, mais balun la hatene regras nee mak halo paralizadu servisu. Hanesan iha AIFAESA ho SERVE, se aban bainrua laiha atendimentu iha AIFAESA labele halo sala ba inistituisaun nee, nunee mos SERVE iha nivel nasional no nivel munisipal. Tanba governu ida nee tama ho odiu vingansa hodi hapara ema sira servidor iha administrasaun publiku,” dehan nia ba jornalista sira iha PN, Sesta (09/02/2024).

Nia akresenta, administrasaun publiku katak, ema hotu mai husu atu bele atende sira hodi halao sistema administasaun publiku nian, tanba administrasaun publiku ema sira iha neeba nee mesak profisionais, nee laos ema politiku, kuandu iha politiku ema sira iha Gabinete PM, Visi PM no iha ministru sira nian. Maibe ema sira iha administrasaun publiku nian neebe ema balun funsionariu iha laran, balun ajente administrasun publiku, mais sira nee hapara hotu nee oinsa.

(gom)

LEAVE A REPLY

Please enter your comment!
Please enter your name here