DILI, STLNEWS.co – Deputadu Bankada Partidu FRETILIN iha uma fukun Parlamentu Nasional (PN) lamenta iha ministeiru balun komesa hahu duni sai funsionariu kazuais sira.
Kestaun nee hatoo husi Deputadu Bankada FRETILIN, Antonio Moniz Calau liu husi plenaria iha PN, Tersa nee (04/07/2023).
“Ita hotu no povu Timor-Leste tomak nia hakarak, maibe hau simu telefone ida husi ita nia funsionariu sira ministeriu lubuk ida neebe mak oras nee daudaun hetan hela desvalorizasaun, katak iha grupu ida organizadu komesa tama ba halo aktu neebe mak lo-loos labele mosu iha instituisaun publiku sira, ba duni sai ita nia funsionariu kazuais sira neebe mak hetan kontratadu iha VIII Governu Konstitusionál,” dehan nia.
Deputadu Antonio Calau dehan, agora liga ba esteitmentu Prezidente Parlamentu Nasional nian katak, laiha politika balas dendam, bele lori mos ambiente ida nee ba iha ministeiru sira seluk hodi banati tuir.
(dom)
