ERMERA, STLNEWS.co – Atu lori naroman ba povu, servisu boot neebe FRETILIN presiza halo mak tenki iha kapasidade, hametin unidade nasional, tanba ho unidade nasional mak loke dalan hodi lori dezenvolvimentu ba rai ida nee.
Informa Prezidente Troika atual Sekretariu Partidu FRETILIN, Mari Akatiri iha ambitu kampanha partidu FRETILIN ba da-7, iha Munisipiu Ermera.
Nia dehan, laiha unidade nasional laiha pregresu, nee mak liu tiha tinan 20 resin laiha dezenvolvimentu, povu haleriik nafatin tanba ukun gosta kontra no diskrimina malu,” Unidade ba progresu para bele hametin ita nia hanoin hodi hateke ba kotuk, maibe nafatin hateke ba oin ho vizaun ida para lori naroman ba povu iha nasaun ida nee,” hatete SekJer Partidu FRETILIN, Mari.
Maibe Fundador FRETILIN no Estadu nee afirma, atu halo dezenvolvimentu ekonomiku ida neebe fo dignidade ba ema hotu, tanba ema hotu iha direitu atu moris ho kondisaun ida neebe diak liu husi hanaruk ekonomia familia nian, maibe atu hakat ba ida nee presiza foinsae sira neebe dinamiku.
“Ema hotu-hotu tenki iha dinamiku no produtividade, signifika servisu tenki iha kapasidade para bele dezenvolve rai nee ba oin,” dehan Fundador FRETILIN no Estadu nee.
Iha fatin hanesan, Adjuntu Sekretariu Jeral FRETILIN, Jose Reis hatete, governu ida neebe FRETILIN viabliza halo ona buat neebe povu senti moris diak hanesan halo uma naroman ba povu, sesta bazika no subsidiu US$ 200.
Nia dehan, FRETILIN tun ba baze haree povu sei haleriik ba bee moos, estrada, eskola la diak no seluk tan. Tanba nee FRETILIN mai fila fali ho programa ida importante tebes-tebes atu hodi hasai povu husi nakukun ba naroman.
(car)
