DILI, STLNEWS.co – Programa Partidu FRETILIN iha kampanha eleitoral, introdus mos sesta solidaridade neebe apoia povu kada fulan, espera povu sei fo vitoria, maski kampanha CNRT iha knuuk FRETILIN.
Tuir Visi Bankada FRETILIN, Antoninho Bianco katak, iha kampanha CNRT nian iha Lautem, ema barak ba partisipa, tanba hakarak rona materia kampanha, maibe dala ruma sira ho liafuan insulta deit.
FRETILIN maski lider troika, CNRT lider uniku Xanana, maibe FRETILIN la faan figura i laos ba atu insulta malu, povu bele partisipa barak iha palku, maibe votus iha aldeia no suku.
Tuir nia, FRETILIN valoriza lider istoriku i valoriza mos lider naturais katak jerasaun foun, juventude, lia nain, ema kbiit laek sira, FRETILIN kampanha luku too kraik, antes kampanha sira too aldeia agora ba diverti deit, neebe votus laos iha palku, maibe iha aldeia no suku. I iha kampanha faan programa hanesan tinan rua FRETILIN mobiliza VIII Governu povu senti, sesta bazika, i agora introdus tan sesta solidaridade, nee laos atu fahe deit kada tinan, maibe fulan-fulan.
“Sesta solidaridade agora ami introdus, bainhira ami kaer ukun sei implementa, i subsidiu US$ 200 kada tinan, ba edukasaun estudante sira implementa bolsu estudu meritu, sesta solidaridade nee ba inan isin rua, labarik tinan 1-7, ferik katuas neebe hetan ona uma sei presiza apoia, i apoia nee kada fulan”, deklara Visi Bankada FRETILIN, Antoninho Bianco ba jornalista, Kuarta (26/04/2023) iha PN.
Nia afirma, programa FRETILIN sei kontinuasauan, ba programa sira neebe implementa durante viabiliza VIII Governu, hanesan programa kiik konaba nesesidade povu. Enkuantu ba programa boot petroleu neebe halo perfurasaun iha rai laran, atu halo produsaun iha 2024-2025, nunee mos iha tasi laran bele deskobre, i greater sunrise nee mos agora lao dadaun nia prosesu, neebe kapasidade governu nian durante tinan 2 nia laran, hein katak tinan 5 ba oin fasil liu atu dezenvolve.
Tuir nia, konaba dezenvolvimentu edukasaun lao daudaun tenki eleva kualidade, nunee eleva mos investimentu ba parte saude, oinsa halo turizmu de saude, rekursu umanus iha, nee mos ba fundu veteranus, maski Prezidente Republika la konkorda, maibe bainhira FRETILIN manan sei kontinua tau bilhaun ida ba veteranus, mineiru ka ba rikusoin Timor nian barak, nee mos bele dezenvolve atu bele kria fundu investimentu.
Entretantu, jornalista koko intervista ho CNRT relasiona ho kampanha iha Lautem knuuk FRETILIN nian, povu barak partisipa, maibe lider bankada sira laiha fatin, tanba sei okupadu hela ho atividade kampanha.
(gui)
