DILI,STLNEWS.co – Visi Bankada FRETILIN, Antoninho Bianco afirma, bainhira povu fo fiar ba FRETILIN ukun mak sei lori dezenvolvimentu neebe dignu ba iha povu.
Tuir Visi Bankada FRETILIN, Antoninho Bianco hatete, konaba programa agora nee buat balun keta la diak nee FRETILIN aplika ida H6, tanba nee hadia buat neebe iha daudaun no harii buat neebe seidauk iha, hadia, hametin no haburas i habelar tan, entaun buat aat sira hamoos tiha, buat hirak nee programa kontinuasaun.
“Maibe nee konkretiza husi programa sira neebe ita atu halo programa sektorial hotu, entaun lori naroman ba moris dignu, iha fator dezenvolvimentu sektorial hotu-hotu, maibe nee halo kuandu ita kaer ukun, tanba nee husu ita hotu vota ba FRETILIN, hodi lori programa sira nee naroman ba povu i dezenvolvimentu dignu ba povu tomak,” dehan nia ba jornalista sira iha PN, Kuarta nee (12/04/2023).
Deputadu Bianco afirma, inklui dignu mos ba jornalista sira, ezemplu eleva kualidade jornalista sira nian no laos iha rai laran deit, bele ba iha internasional, laos lori Timor ba mundu, maibe lori mundu mai Timor mos bele.
Tenik Bianco, banhira imajen iha Timor nee diak, entaun bele lori mundu mai Timor, labele lori fali imajen sira bainbain ba liur deit, kuandu bainhira halo dezenvolvimentu ho dignu, mak ema barak sei mai tanba naroman neebe lori sei dada ema mai.
(dom)
