Governu Hadia Dekretu Lei Braille, PR Sei Promulga

DILI, STLNEWS.co – Prezidente Republika (PR) Jose Ramos Horta hatete, nia veta lei alterasaun eleitoral ho braille, tanba iha problema balun, nunee governu hadia dekretu lei braille ba ema ho defisiensia hodi submete fali mak Xefi Estadu sei promulga.

Prezidente Republika (PR) Jose Ramos Horta hatoo Kestaun nee ba jornalista sira, bainhira remata kondekora medalha ba Yohan Goncalves iha palasiu Prezidente Bairu Pite, Kinta kalan (16/03/2023).

“Sistema braille bele halo dekretu lei ida ou liu husi dekretu lei ida, hau veta tiha lei nee tanba problema seluk, se karik hakarak signifika halo liu husi dekretu lei ida, tanba buat nee hanesan prosesu mekaniku ida oinsa hadia sistema votasaun ba sira neebe iha defisiensia,” dehan PR Horta.

Prezidente Republika hatete, se governu hakarak halo ida nee, submete fali Prezidente Republika sei promulga.

Nunee mos, karik governu hadia dekretu lei braille hodi entrega fali mai meza prezidente sei promulga ka lae? Hatan ba kestaun nee, prezidente hatete, sei promulga bainhira governu iha inisiativa hodi kria dekretu lei ida konaba braille ba ema ho defisiensia nee.

“Klaru karik sira hakarak hadia lori mai fali hau sei promulga, laiha problema, prosesu lao daudaun, laiha problema ho lei tuan, se lei foun mos diak laiha problema,” katak PR Horta.

(eme)

1 COMMENT

LEAVE A REPLY

Please enter your comment!
Please enter your name here