DILI, STLNEWS.co – Governu liu husi Ministeriu Finansas (MF), Diresaun Jeral Jestaun Patromonio Estadu forma ekipa ida hodi halo monitorizasaun no fiskalizasaun konjuntu ba movimentu viatura estadu, bazeia ba dekretu lei no 80/2022.
Tuir Diretur Jeral Diresaun Jeral Jestaun Patromonio Estadu (DJJPE), Januariu da Gama hateten, sesaun trabalhu ida nee importante tebes, tanba agora daudaun atu hakat ba eleisaun parlamentar, oinsa atu halo kontrola neebe rigorozu tuir dekretu lei no 80/2022.
“Hau hanoin sesaun trabalhu ida nee importante tebes ba ita, tanba nee mak ohin ekipa trabalhu sei halo deziminasaun konaba lei nu 80/2022 nee, oinsa atu refleta ba iha politika atual nian, neebe alina direitamente ba iha jestaun de prova neebe hatur iha rezolusaun governu nian neebe iha,” dehan Januariu da Gama iha salaun Auditoriu Ministeriu Finansas, Kuarta ( 12/04/2023).
Nia katak, tanba nee liu husi sorumotu ida nee bele iha kontrolu neebe diak husi ministeriu relevante sira konaba movimentu viatura estadu nian. Tanba dala barak movimentu lao iha terenu, ema sempre fo kulpa ba iha patrimoniu estadu, fo kulpa ba Komisaun Anti Korupsaun (KAK) no kulpa ba PNTL, maibe lo-loos nee veikula estadu nee nia nain mak ministeriu no instituisaun sira. Tan nee, Diretor Jeral sira sei la permite funsionariu sira uza sasan estadu nian, fora de oras servisu hodi halo movimentu livre. Dala barak utilizador sira livre iha terenu, ema sempre fo sala ba ema hotu, tanba nee ba oin tenki halo kontrolu ho rigorozu iha baze.
(mad)
