DILI, STLNEWS.co – IX Governu Konstitusional sei normaliza folin foos iha merkadu liu husi subsidiu stok fops iha armazen kompanhia importador no Sentru Nasional Lojistika (SNL), hodi selu osan importador sira neebe hatama foos bainhira sei iha taxa importasaun 5%.
Visi Ministru Asunto Parlamentar (VMAP), Aderito Hugo da Costa dehan, resposta husi governu ba kestaun folin foos atraves, Visi Ministru Asunto Koordenasaun Ekonomia, Ministeriu Komersiu Industria (MKI), halo levantamentu ho entidade relevante sira hanesan Kompana importador no SNL, hodi haree stok fos iha sira nia armazen neebe hamata mai ho rejime taxa 5% lei orsamentu 2023, antes alterasaun lei importasaun nee iha tonelada hira.
Nia hatete, saida mak durante Governu halo hela iha duas Semanas depois, lei orsamento retifikativu promulga, iha terrenu mak, kordenasaun atu identifika stok iha armazen importador no armazen SLN neebe mai selu taxa 5% iha tonelada rihun hira para depois, iha nee mak governu atu bele subsidia.
“Laos subsidiu ba importador sira hanesan publika iha media katak, Governu subsidia fali imporador sira la subsidia povu, laos ida nee, subsidiu neebe Governu hakarak halo mak subsidiu ba stok fos iha armazen importador sira tonelada hira ho rejime taxa 5% importasaun nee, para depois stok ida nee mak Governu subsidia hodi fo fila sira nia osan ida taxa 5% ho metade 2,5% hodi kompana importador sira hatun presu fos,” dehan nia ba jornalista sira iha PN, Sesta (22/09/2023).
Governante nee afirma, foos sira neebe kompania importador hatama, depois lei orsamentu retifikativu 2023 ho taxa importasaun tun ba 2,5% nee Governu la subsidiu.
Hugo hatete, Ministeriu Komersiu Industria ho Visi Ministru Asunto Koordenasaun Ekonomia halo ona levantamentu kompletu no iha ona koordenasaun atu implementa subsidiu nee, nunee importador sira laos faan ona ho taxa 5%.
“Governu mos estuda hela sei hatun ba 2,5% nee folin fos bele tun too hira, presu ida sae nee laos tanba deit taxa 5% maibe tanba krize pais sira produs fos hanesan India, neebe bandu ona atu importa fos tanba, sira hetan impaktu klimatiku lalina halo sira nia produsaun fos menus, entaun ita sei subsidiu, maibe latun signifikante kuandu ituasaun produsaun fos sira seidauk normal, nasaun importador sei bandu hela importa fos ho volume neebe boot,” hatete nia.
Nia hatutan, Governu kontinua akompana hela sei no kazu meus sira neebe Governu halo mak folin fos latun nafatin mak, Governu nafatin buka oinsa hatun presu fos nian, nunee fo ba populasaun kapasidade de kompra, liu-liu ba nessesidade baziku sira.
(dom)
