DILI, STLNEWS.co – Reprezentante povu iha uma fukun Parlamentu Nasional (PN) husu ba governu atu fo autorizasaun ba Bis Expresu neebe investe husi feto emprezaria, atu halo operasaun Dili ba Kupang no Dili Oekusi
“Ita nia maluk feto sira mak investe iha bis Dili ba Kupang bis 4, 2 mak halo operasaun no 2 seluk neebe atu halai Dili Oekusi nee too agora la halai, tanba seidauk hetan autorizasaun husi governu,” kestaun nee fo sai husi Deputada Cristina Ribeiro husi Bankada FRETILIN liu husi Sesaun Plenaria, Tersa (04/07/2023).
Nia afirma, investe iha area transportasi nee mesak feto sira deit, no sira investe iha bis 4 maibe 2 mak halo operasaun Dili ba Kupang no 2 seluk para deit, tanba la hetan autorizasaun husi governu. Governu autoriza deit bis Indonezia mak halo operasaun ba too Oekusi, tan nee presiza haree.
Tuir nia, karik governu la fo autorizasaun mak bis 2 seluk nee para deit, serake osan uza ba investe nee maluk feto sira impresta, oinsa atu selu fila.
(mad)
