DILI, STLNEWS.co – Prezidente Republika (PR) Jose Ramos Horta hatete, nia veta alterasaun lei eleitoral parlamentar tinan 2023, tanba hakarak hakmaan servisu Komisaun Nasional ba Eleisaun (CNE – sigla portugues) no Servisu Tekniku Administrasaun Eleitoral (STAE).
Prezidente Republika Jose Ramos Horta hatoo kestaun nee ba STL liu husi telefone, Tersa kalan (14/03/2023).
PR Horta hatete, veta alterasaun lei eleitoral hakarak halo kmaan servisu instituisaun rua nian, CNE ho STAE.
“Hau veta tan deit hau hakarak hakmaan STAE no CNE nia knaar, maibe governu hakarak halo nafatin votasaun ho sistema braille hau apoiu, Conceptual Data Model bele halo deit dekretu lei. Programa Nasoens Unidas Ba Dezenvolvimentu garante sistema braille bele prontu ba eleisaun.
Lei nee Parlamentu Nasional aprova iha loron 14 Fevereiru 2023 no iha loron 15 Fevereiru submete ba meza Prezidente Republika hodi promulga.
Parlamentu Nasional liu husi reuniaun plenaria aprova proposta alterasaun Lei Eleitoral ba Parlamentu Nasional iha Final Global ho rezultadu votasaun afavor 38, kontra 0 no abstensaun 0, maibe lei nee veta husi Prezidente Republika Jose Ramos Horta, tanba hakarak atu hakmaan servisu instituisaun rua nee nian.
(eme)
