Horta Apoiu Timor Oan Servisu Liur, Laos Sai Atan

DILI, STLNEWS.co – Prezidente Republika (PR) Jose Ramos Horta hatete, nia apoiu sidadaun Timor oan neebe mak buka moris iha rai liur laos sai atan, maibe oinsa bele hetan osan sustenta familia.

Prezidente Republika Jose Ramos Horta hatoo kestaun nee ba jornalista sira, bainhira remata vizita sidadaun kbiit laek ida iha Aldeia Maliboro, Suku Ailok, Postu Administrativu Kristu Rei, Munisipiu Dili, Kinta nee (08/06/2023).

“Hau apoia Timor-oan sira ba liur, uluk nudar Ministru Negosiu Estranjeiru laos ema seluk, hau nudar Ministru Negosiu Estranjeiru iha 2003, hau ba Korea do Sul tanba hau konhese Korea do Sul diak, 100%, hau koalia ba boot sira iha neeba, ho privadu sira favor, hau husu ba sira haraik aan simu ami nia joven trabalhador sira mai, ami araska los iha Timor, servisu laiha, ekonomia laiha, lori tinan 3 para hau konsege, nee primeiru grupu ba 50, hau rasik ba Aeroportu despede sira, depois agora 5 mil ital”, katak Horta.

Prezidente Republika hatete, nia mos koalia ho governu husi nasaun oin oin oinsa buka dalan, nunee Timor oan sira bele ba moris iha neeba hodi hetan netik osan ruma.

“Ho Australia mos hau mak hahu, uluk koalia ho Primeiru Ministru Jhon, Ministru Estranjeiru hanesan daudaun nee, Australia sira momentu nee ulun fatuk toos los, laos tanba sira nunka halo programa nunee, simu trabalhador lae, sira simu imigrantes, laos trabalhador sira bolu sizional nee nunka iha, hau litik-litik komesa hahu, agora programa lao diak los”, katak nia.

Xefi estadu hatete, agora nia ba Alemanha, infelizmente governu sira foun nee iha, membru governu foun nee akompanha kedan PR para asina akordu iha Alemanha.

Horta hatete, se bainhira iha Timor Leste mak Timor oan buka servisu laiha nia mos konkorda Timor oan bele buka moris iha rai liur.

“Hau konkorda servisu iha nee laiha, la buat ida ba liur manan osan diak, aprende buat ruma, haruka ba familia, tinan 5 too tinan 10 fila, esperensia matenek neebe iha halo bisnis, ba liur nee hanesan ba eskola ida, nee dunik balu hatete fali ba sai fali ema nia atan”, hakotu nia.

(eme)

LEAVE A REPLY

Please enter your comment!
Please enter your name here