DILI, STLNEWS.co – Prezidente Republika (PR) Jose Ramos Horta husu lider partidu politiku sira atu kondena militante neebe ataka militante Partidu CNRT iha Loiluho no Uatulari, hafoin fila husi kampanha neebe halao iha kampu Futebol Beloi, Munisipiu Vikeke.
Xefi Estadu hatete, militante CNRT neebe hetan atake iha Loihuno no Uatulari nee, hafoin remata partisipa iha komisiu neebe halao iha kampu futebol Beloi, Munisipiu Vikeke.
“Ida nee laos primeira ves, maibe elementu radikal sira iha rejiaun neeba nee sempre ataka ema, tanba nee agora lider partidu sira neebe nia militante halo asaun sira nee mak tenki koondena labele nonok hela deit,” dehan Prezidenti Republika (PR) Jose Ramos Horta ba jornalista sira, hafoin remata partisipa iha serimonia Idul Fitri neebe halao iha Embaixada Indonezia, Palapasu, Sabadu nee (22/04/2023).
Prezidente Republika hatutan, grupu sira neebe halo violensia hafoer deit partidu nia naran, no povu sei lakohi vota ba sira, tanba ameasa tuda kanek no sunu ema nia uma.
(eme)
