Horta: Investor Barak Mai TL

DILI, STLNEWS.co – Prezidente Republika Jose Ramos Horta hatete, durante nee nia halo kontaktu ho investor husi nasaun oin oin, hodi mai halo investimentu iha Timor Leste.

Prezidente Republika Jose Ramos Horta hatoo lia hirak nee ba jornalista sira, bainhira remata partisipa Asembleia Nasaun Unidas iha Aeroportu Internasional Nicolao Lobato Komoro, Tersa (26/09/2023).

“Barak los mai daudaun, maibe investor sira mai primeiru klaru sira foun mai haree situasaun no estuda, tanba ho osan boot, maski investor ida mezmu ho Timor oan nia osan karik iha rai laran halo investe sei sukat didiak investe ka la investe. Konforme nia halo avaliasaun, entaun grupu lubuk ida tinan sira mai. Hau pesoalmente simu investor husi Japaun, Korea, Australia, Xina, Malazia, Brunei no Indonezia, sempre koalia ho sira, no esplika situasaun,” dehan Horta.

PR Horta afirma, durante hasoru malu ho investor sira husi rai oin oin, investor sira mos kontenti ho situasaun politika iha Timor, maibe investor estranjeiru sira hakarak haree Timor Leste iha estabilidade.

“Ita atu tama ASEAN, signifika ita nia merkadu laos deit US$ 1.4 milhoens, maibe ita nia merkadu besik seti sentos miloens, iha investor oin-oin, hau hanoin ohin ka aban grupu boot ida mai husi Xina, sira reprezenta kompanhia atus tolu iha Xina, durante semana sira nia laran nee prezidensia mak halo enkontru kontaktu ho sira, sira kontaktu ho hau, hau kontaktu ho sira depois halo konvite formal sira mai, depois ami informa kedas transfere informasaun sira nee ba visi Primeiru Ministru Francisco, nia mak haree ida nee,” katak nia.

PR hatete, laos grupu boot husi Xina deit mak mai Timor Leste, maibe iha mos grupu balun husi India, neebe mai ona Timor Leste hodi halo mos investimentu.

(eme)

LEAVE A REPLY

Please enter your comment!
Please enter your name here