DILI, STLNEWS.co – Prezidente Republika Jose Ramos Horta hatete, iha Nova Yorke nia koalia makaas konaba kazu Míanmar.
Prezidente Republika Jose Ramos Horta hatoo lia hirak nee ba jornalista sira, bainhira remata partisipa Asembleia Nasaun Unidas iha Aeroportu Internasional Nicolao Lobato Komoro, Tersa (26/09/2023).
“Primeiru hau kontenti ho Sekretariu Jeral nia intervensaun koalia makaas, hau rasik koalia makaas laos iha diskursu deit. Prinsipal iha plenaria nee depois iha reuniaun ida organizadu husi Governu Banlades hamutuk ho Internasional Criminal Court (ICC), nomos investigador prinsipal prokurador jeral ICC konvida hau partisipa iha neeba mos hau koalia hanesan anout konaba Myanmar,” katak Horta.
Nia hatete, Primeiru Ministru Banladesh, Ministru Negosiu Estranjeiru mos partisipa, maibe rai ladun barak mak koalia konaba kazu Míanmar, maibe husi Timor PR Horta mak koalia barak no makaas konaba kazu Míanmar.
Nia hatutan, Sekretariu Jeral ONU mos kontinua iha preokupa ho ASEAN, husu Timor Leste nafatin kordena sintoniza hamutuk ho ASEAN para labele toma posizaun seluk.
Iha reuniaun ho Prokurador TPI Karim Khan iha Sede ONU iha Nova Iorke, 24 Agostu 2023, Prezidente José Ramos-Horta hatoo preokupasaun boot konaba violensia no abuzu ba direitus umanos iha Myanmar. Nia husu Prokurador Khan atu dezempanhaa papel lideransa hodi garante responsabilidade husi autor ba krimi sira nee.
TPI mak uniku tribunal permanente iha mundu, ho jurisdisaun hodi prosesa indivídu sira neebe komete jenosídu, krime kontra umanidade no krime funu nian.
Prezidente Horta nia apelu atu TPI lidera esforsu hodi husu responsabilidade iha Míanmar oportunu no importante. TPI mak iha posizaun unika hodi investiga no prosesa autor ba krimi sira neebe graveliu, hodi hatan ba justisa.
Deklarasaun Prezidente Horta mak samada forti ba komunidade internasional, atu la tuur nonok hasoru atrosidade iha Myanmar. TPI dezempenha papel vital, hodi garante responsabilidade no hapara atrosidade sira iha futuru.
(eme)
