DILI, STLNEWS.co – Prezidente Republika (PR) Jose Ramos Horta hatete, kada loron akomula labarik too 500 han gratuita iha Palasiu Prezidente.
Prezidente Republika Jose Ramos Horta hatoo lia hirak nee ba jornalista sira, bainhira remata halo lansamentu livru Tropical Premaculture Guide Book iha Kantina Matak Palasiu Prezidente, Sesta kalan (14/07/2023).
“Iha nee loron-loron labarik sira 500 mak mai han iha Palasiu Prezidensia Republika, balun hahu tuku 10:00 too tuku 15:00, kantina nee loke ba labarik sira,” dehan PR Horta.
Prezidente Republika dehan, nia mos fo instrusaun ba Arte Moris sira mai han iha kantina matak nee gratuita, nee ba PR formal ser umanu.
Nunee mos tanba Palasiu Prezidente diferente ho Palasiu Prezidente iha rai seluk, tanba Palasiu Prezidensial Timor Leste sempre nakloke ba ema hotu tama ba laran, nee tanba sa, hatan ba kestaun nee PR hatete, nee normal tanba palasiu povu hotu nia.
“Ba hau normal, hau sempre hanoin, uluk iha primeiru mandatu nunee, bainhira hau asumu kargu nudar Ministru Negosiu Estranjeiru no Kooperasaun, natal hau sempre organiza almosu natal iha loron 25 Dezembru, labarik no komunidade sira iha Bairu Metiaut partisipa,” katak Horta.
Xefi Estadu hatete, nia sempre ajuda populasaun, bainhira muda ba Metiaut hetan bee iha neeba, hahu kedas 2021 PR fo bee too ohin loron, iha tornera ida tau kedas iha liur, populasaun sira mai kuru bee iha neeba atu sira labele ba dook, purtantu PR halo nudar ema, nudar sidadaun, Prezidente Republika bele halo liu tan, tanba iha meius Prezidensia Republika nian atu ajuda.
“Hau nudar Prezidente Republika, Premiadu Nobel da Pas, hau iha buat ne’e iha mundu, entaun mobiliza. Foin daudaun ba Maliana, fatin lubuk ida iha neeba ho madre sira, ajuda madre sira. Ba hau mak nee, fasilita populasaun mai Palasiu Prezidensia Republika, agora hau atu halo viajen ba Malazia iha fim de mes nee.
Hau fo instrusaun tiha ona atu konvida tiga roda ida mai husi Oekusi, maibe dehan pasaporte laiha, maibe hau sei lori Xefi Aldeia, Xefi Suku ida, hau nia viajen sira nee la dook, besik, lori tiga roda ruma, lori tia ruma faan sasan iha merkadu, nee hau nia filozofia,” katak nia.
(eme)
