Horta: PR Bele Hanesan Marketing TL Iha Mundu, Koalia Ho Investor

DILI, STLNEWS.co – Prezidente Republika (PR) Jose Ramos Horta hatete, Prezidente bele hanesan Marketing Timor Leste (TL) nian iha mundu, hodi koalia ho investor sira mai halo investimentu iha TL.

Prezidente Republika Jose Ramos Horta hatoo lia hirak nee ba jornalista sira iha Palasiu Prezidente Bairo Pite, Sesta (24/11/2023).

Nia hatete, konaba deputadu balun neebe lamenta ho viajen prezidente nia, bele haree saida mak prezidente halo iha rai liur, no rai laran neebe nia rasik tau ona iha nia pajina facebook.

“Konaba viajen, deputadu sira devia lee hau nia pajina facebook, tanba ohin loron iha buat ida naran media sosial, depois iha tan buat ida bolu televizaun, no deputadu sira la hatene media sosial mak saida, televizaun mak saida, hau bele kompriende ida nee,” dehan Horta.

Prezidente Republika hatutan, dala ruma foin tun mai husi foho, la hatene televizaun saida no la hatene media sosial saida, no sira haree karik televizaun no media sosial buat hotu-hotu neebe PR halo nee transparante kuaze loron -loron.

Xefe Estadu hatete, nia ba foho, bainhira tempu iha asina lei sira neebe Parlamentu Nasional no governu haruka ba nia, sei servisu makaas atu labele demora, la kria obstaklu ba governu, aumezmu tempu tulun governu dada investor mai.

Kontinua ba pajina 2

LEAVE A REPLY

Please enter your comment!
Please enter your name here