DILI, STLNEWS.co – Prezidente Republika (PR) Jose Ramos Horta hatete, Sekretariadu Tekniku Administrasaun Eleitoral (STAE) fo prioridade ba media RTTL no Tatoli mak vota livre, media privadu vota tuir kartaun eleitoral rejistu. Ba ida nee halo diskriminasaun, tanba nee presiza kria kondisaun hanesan.
Prezidente Republika Jose Ramos Horta hatoo kestaun nee ba jornalista sira, bainhira remata partisipa lansamentu Nasional susubeen inan ba labarik iha salaun MNEK, Segunda nee (17/04/2023).
“Ida nee diskriminasaun, ita hakarak hotu-hotu partisipa, kria kondisaun para jornalista sira hotu-hotu bele vota, ida nee balu la konkorda, ida nee STAE laiha kompetensia para halo desizaun,” dehan PR Horta.
Nunee, tuir informasaun husi STAE katak, jornalista husi media privadu iha Timor Leste la vota livre, tanba prezidente mak la dekreta lei, hatan ba kestaun nee, Prezidente hatete, ida nee lalos.
“Nee lae, signifika iha eleisaun iha tinan lubuk kotuk nee internasionalmente nee lae, diak liu STAE labele politiza ida nee, STAE iha maneira atu politiza buat partidariza, jornalista iha neebe deit kria kondisaun para sira bele vota, entaun sira hatete be sentru paralelu, uluk halo tiha ona sentru paralelu tuir lei anterior,” katak nia.
Nunee mos konaba deklarasaun neebe mak husi Partidu FRETILIN neebe hatete katak, Prezidente Republika Jose Ramos Horta halis ba Partidu CNRT, hatan ba kestaun nee, prezidente hatete, nia deklara ona katak ba Baukau hatoo obrigadu ba apoiantes, laos partisipa, tanba nee prezidente labele resposta hodi dada naruk iha publiku.
(eme/don)
