Husu Governu Atensaun Komunidade Afeta Ba Dezastre Naturais

DILI, STLNEWS.co – Parlamentu Nasional husu governu atu fo atensaun ba komunidade afetadu ba dezastre naturais, hanesan ahi han uma no dezastre husi udan, tanba too agora komunidade balu seidauk hetan ajuda.

Kestaun nee hatoo husi Deputadu husi bankada FRETILIN, Antoninho Sarmento katak, komunidade balun iha munisipiu seidauk hetan ajudu husi governu, maski sira afetadu ba dezastre hanesan ahi han uma iha fatin-fatin no dezastre naturais estraga sira nia uma, tanba nee husu governu fo atensaun.

“Iha tinan kotuk hau sempre foti kestaun ahi han uma iha munisipiu sira, aleinde ida nee konaba dezastre sira provoka estraga uma barak, maibe metade husi komunidade sira hetan dezastre nee seidauk iha intervensaun ida atu kontribui hodi hadia sira nia uma, tanba nee husu ba governu atu atensaun”, katak Deputadu husi Bankada FRETILIN, Antoninho Sarmento, ba jornalista sira iha Parlamentu, Tersa (09/01/2024).

Nia dehan, komunidade sira preokupa, tanba dehan ba Ermera lalais loos, maibe ba muninispiu seluk atrazu, tanba nee husu ba parte relevante atu atensaun, tanba udan makaas nee komunidade sira presiza uma ida atu bele hela.

Hatan ba kestaun nee, Visi Ministru Asuntu Parlamentar Aderito Hugo hatete, konaba asuntu nee sei envia imediata ba ministeriu relevante atu bele fo atensaun.

(gui)

LEAVE A REPLY

Please enter your comment!
Please enter your name here