IDN Simu Dokumentus Dezenhu Final

DILI, STLNEWS.co – Institutu Defeza Nasional (IDN) ofisialmente simu ona finalizasaun dokumentus orijinal dezenhu ba futuru infraestrutura Kampus IDN, husi Konsultan PT Perentjana Djaja neebe hetan asinatura husi Ministru Defeza Donaciano Costa Gomes “Pedro Klamar Fuik” ho Diretor Interenu IDN Guilherme Soares, nomos Diretor Konsultan PT Perentjana Djaja Eng Irsal Said.

Ministru Defeza Donaciano Costa Gomes “Pedro Klamar Fuik dehan, prosesu dezenhu ba kampus IDN nee, konsultan Perentjana Djaja halao servisu durante fulan 14, hahu husi Outubru 2022 finaliza iha loron 21 Novembru 2023, ho montante orsamentu US$ 452,330,00, ohin entrega ofisialmente ba nain projetu no hein ba faze tenderizasaun projetu fiziku.

Tanba nee, tuir previsaun husi kompanhia dezenhu katak, kontrusaun Kampus IDN Aileu sei gasta orsamentu ho montante US$ 125, 5000.00.

Nia hatoo agredese wain ba reprezentante sira husi linha ministerial sira relevante, neebe akompanha dezenhu projetu IDN dezde inisiu, tanba tuir projetu orijinal neebe konseptualiza husi IDN ho objetivu difini karakteristika , funsionalidade ho kondisaun hotu neebe mak presiza, ikus buka tekniku husi konsultan sira hodi tranforma ba dezenhu.

’’Ita boot sira hatene, dezde prinsipiu IDN inisia nia funsaun iha tinan 2010, laiha fatin propriu hodi dezenvolve nia misaun ba formasaun futuru lider, planeadores no pensadores estratejiku ba pais nee, nunee mosu hanoin presiza iha duni espasu fatin propriu, hodi orienta ema nia hanoin, iha fatin neebe nia servisu ho seguru, hodi karateriza no traforma ema tuir visaun tuir Estadu Nasaun nian,” Hatete Ministru Defeza Donaciano Costa Gomes “Pedro Klamar Fuik liu husi Media IDN loron Kuarta (22/11/2023).

Nia esplika, IX Governu nee lo-loos kampus IDN atu harii iha parte Kaitehu Munisipiu Likisa, maibe haree ba kotuk ho oin, fabrika kontrusaun haleu, hodi la fo imajen ida neebe furak ba kampus IDN konstrui iha ne’leba, mosu hanoin hodi tranforma dezenhu neebe inisia ona iha Kaitehu, transforma fali dezenhu ho terenu foun maka agora daudaun iha Aileu no ohin finaliza.

Nia deklara, parte teknika sira, bainhira obra nee impelemnta ho kualidade hodi lori benefisia ba ema barak, automatikamente sei lori orgulhu ba hirak nee hotu.

“Kampus IDN nee projetu estadu, obriga ita hotu iha responsabilidade, dala ruma IDN forsa la too karik iha parte ruma ita boot sira kontribui diak liu tan, hodi eleva obra nee nia kualidade iha faze implementasaun ba garantia nia kualidade,” nia informa.

Nia koalia, teknikamente sira bele koalia ba malu hodi eleva nia kualidade diak liu tan, maibe ohin termina projetu dezenhu ho finalmente entrega ba IDN , politikamente tinan oin, prosesu hotu lao diak, governu bele lansa ona tenderizasaun ba kontrusaun obras fizika nian.

Iha fatin hanesan, Diretor Interenu IDN, Guilherme Soares hatutan, agradese wain ba Ministru Defeza Donaciano Costa Gomes “”Pedro Klamar Fuik”, ba apoiu tomak dezde hatur visaun ba konsepsaun no ba realizasaun dezenhu ba futuru kampus IDN no apoiu tekniku sira hotu husi linha ministeria sira hanesan MOP, ADN, EDTL EP, BTL EP, neebe sempre ho pasensia akompanha prosesu dezenhu futuru kampus IDN too ohin loron hetan finalizasaun hodi entrega mai IDN hanesan projetu nain.

“Aseita no apresia tebes ho dezenhu futuru kampus IDN Aileu, no sira prontu kontribui servisu hamutuk iha parte tekniku sira neebe ita karik presiza kompleta,” nia hatutan.

Nia afirma, lansamentu ba fatuk ain, futuru kampus IDN iha area Hundolte Suku Liu Rai, halao iha loron 15 Agostu 2021 ho rai nia luan hektaris 47 neebe oferese husi Komunidade aldeia rua, iha Suku Liu Rai Munisipiu Aileu, hodi hein ba faze konstrusaun projetu fisiku.

(jen)

LEAVE A REPLY

Please enter your comment!
Please enter your name here