IFC Hametin Relasaun Hasae Kontribuisaun Dezenvolvimentu

DILI, STLNEWS.co – International Finance Corporation (IFC) ho Governu Timor Leste sei hametin relasaun hodi hasae kontribuisaun ba dezenvolvimentu iha Timor Leste.

Kestaun nee hatoo husi Country Manajer IFC, Randall Rioprlle ba jornalista sira bainhira remata hasoru malu ho Prezidente Republika Horta Kinta (18/05/2023) nee.

Nia hatete, ohin halo enkontru ho Xefi Estadu oinsa hametin diak liu tan relasaun rai rua nia.

“Ohin enkontru ho Prezidente Republika oinsa bele hametin relasaun entre International Finance Corporation (IFC) estadu no Governu Timor Leste bele hasae kontribuisaun dezenvolvimentu iha Timor Leste,” nia tenik.

Nia hatutan, ohin hasoru prezidente diskuti kona-ba projetu balun neebe lao hela, nomos perspetiva ba dezenvolvimentu tinan lima tuir mai.

“Ami diskuti konaba dezenvolvimentu ba Portu Dili nomos industria maritima roo ahi sira nomos infraestrutura enjeral,” katak nia.

Entretantu, iha enkontru nee Prezidente Republika Jose Ramos Horta hatoo benvindu neebe boot tebes ba IFC, Banku Mundial, nomos ba ADB.

Nunee, Xefi Estadu hatete, husi parte estadu no governu iha duni interese atu hametin kooperasaun nee ba oin.

(eme)

LEAVE A REPLY

Please enter your comment!
Please enter your name here