DILI, STLNEWS.co – Indonezia kontinua hametin kooperasaun bilateral ho Timor Leste (TL) no apoiu adere ba ASEAN.
Informa Embaixador Indonezia iha Timor-Leste, Okto Dorinus Manik katak, ohin hasoru malu dahuluk ho PPN, kongratula sai nudar PPN iha Timor-Leste.
Ba oin kontinua hametin kooperasaun bilateral entre Timor-Leste ho Indonezia, tanba kooperasaun bilateral nee laos deit iha governu, maibe kooperasaun mos entre parlamentu nasaun 2.
“Ami mos koalia konaba planu kooperasaun apoia TL sai membru ASEAN, prosesu nee governu Indonezia ho governu Timor Leste esforsu, i apoia mos husi parlamentu, nunee TL adere ba ASEAN,” hatete Embaxador Indonezia iha Timor-Leste, Okto Dorinus Manik ba jornalista sira, bainhira remata enkontru ho PPN iha Parlamentu Nasional, Tersa nee (15/08/2023).
Laos nee deit, maibe koalia mos konaba fronteira terestre entre Timor-Leste ho Indonezia, nunee mos koalia konaba zona ekonomia iha fronteira.
Tuir nia, maibe iha enkontru, koalia jeral deit, tanba nee ba oin presiza iha komunikasaun diak liu tan ba kooperasaun bilateral.
Entretantu, iha hasoru malu nee, Prezidente Parlamentu Nasional Maria Fernanda Lay apresia no entuziasmu, tanba nee PPN apoia nafatin kooperasaun bilateral entre TL ho Indonezia, nudar nasaun vizinhu.
(gui)
