DILI, STLNEWS.co – Labele iha ambisaun atu tau Orsamentu Jeral Estadu (OJE) tinan 2023 ho montante boot, tanba politiku nain sira sei fokus hotu ba kampanha parlamentar, tanba nee diak liu labele too US$ 2 millaun ital.
Kestaun nee hatoo husi Diretor Ezekutivu Luta Hamutuk, Jose Alves da Costa, ba STL iha nia knaar fatin Farol, Kinta nee (04/08/2022).
“Hau hanoin ba OJE tinan 2023 labele too 2 millaun ital mos diak ona, tanba gasta tempu barak liu nee ba iha kampanha politika nia no mandatu VIII Governu nia mos hela deit fulan 10, neebe hau hanoin labele iha ambiasaun boot foti osan barak labele ezekuta, tanba ba hasoru eleisaun parlamentar no eleisaun suku nian neebe mak sei realiza iha tinan 2023,” katak nia.
Nunee mos Ofisial Programa AJAR, Inosencio De Jesus Xavier hateten, la kleur tan sei tama ba iha eleisaun parlamentar, politiku nain sira sei la fokus iha ezekusaun OJE ho diak.
(eme)
