DILI, STLNEWS.co – Relasiona ho joven sira kontinua ba servisu iha rai liur, reprezentante povu iha uma fukun Parlamentu Nasional (PN) konsidera, joven sira ba servisu hadia sira nia ekonomia uma laran.
Lia hirak nee hatoo husi Deputadu Bankada KHUNTO, Antonio Verdial ba STL iha iha Parlamentu Nasional, Kuarta (23/08/2023).
“Joven barak mak hakarak ba servisu iha rai liur ho objetivu atu hadia nia moris, hadia nia ekonomia hodi bele atende nia nesesidade famÃlia uma laran,”dehan nia.
Nia afirma, joven ba servisu iha neeba hetan esperensia loron ida sira fila fali mai Timor Leste, sira implementa ou kria fali kondisaun bazeia ba esperensia neebe mak sira hetan iha ema nia rai.
“Hanesan Deputadu ida nee mak ita nia esperansa ba ita joven sira, tanba nee ita apoiu,” katak nia.
Iha sorin seluk, membru Sosiedade sivil Husi Fundasaun Mahon, Narciso da Cruz hatete, governu seidauk iha politika ida neebe serteja ho situasaun real iha Timor Leste.
Nia dehan, nia problema mak tanba sa governu ba dada fali investor husi rai liur mai investe iha rai laran ,depois joven sira ba servisu hotu fali iha rai liur,”dehan nia.
Lo-loos nee governu tenki kria estratejia politika ida pelu menus joven sira ba rai liur nee governu tenke kontrola hanesan sira neebe mak hetan oportunidade ba servisu Corea no Australia, oinsa para sira ba servisu labele halai ses husi sistema atu nunee loron ruma nia fila fali mai, nia implementa fali espernsia neebe nia hetan iha ema nia rai.
(mar)
