DILI, STLNEWS.co – Lista neebe espalha iha media balu katak, Sekretariu Jeral Partidu Demokratiku (PD) Antonio da Conceição Kalohan asumi pasta Ministru Negósius Estranjeirus no Kooperasaun (MNEK), PD la hatene, nee lista hoax.
Kestaun nee hatoo husi Sekretariu Jeral PD, Antonio da Conceição Kalohan katak, lista neebe espalha nee hoax, ida nee laos lista neebe mak PD hatene.
“Lista neebe iha hoax, too agora hau rasik seidauk hatene fatin iha neebe, tanba nee lista neebe espalha laos lista neebe ami hatene “, informa Sekretariu Jeral PD, Antonio da Conceição Kalohan ba STL liu husi telefone iha Dili, Segunda (26/06/2023).
Nia dehan, enkuantu ba fali Ministru Edukasaun mos nia rasik seidauk hatene.
Laos nee deit, maibe konaba Visi Primeiru Ministru husi PD Mariano Assanami Sabino, ida nee mos PD seidauk hatene.
Tanba nee bele konfirma ho Partidu CNRT, tanba too agora PD seidauk hatene fatin iha IX Governu.
Tuir nia, maski 1 Julhu tomada de pose ba IX Governu, maibe sira seidauk enkontru konaba formasaun governu, tanba nee bele konfirma ho CNRT.
(gui)
