DILI, STLNEWS.co – Militante Partidu CNRT entuziasmu partisipa iha kampanha Partidu CNRT neebe halao iha kampu futebol Triloka, Baucau, hodi halo nakonu fatin kampanha.
Husi observasaun STL nian, militante CNRT entuziasmu tebes partisipa iha kampanha ba da-4 CNRT nian iha kampu futebol Triloka, Baucau, Domingu nee (23/4/2023).
Hodi mai rona programa prinsipais Partidu CNRT nian, programa sira neebe Partidu CNRT kria nee nia objetivu atu kria kampu servisu no moris diak ba povu.
Programa sira nee mak hanesan edukasaun, saude inkluziva no kualidade, dignifika veteranu no promove inkluzaun sosial, kria kampu servisu, liu-liu ba foin sae sira, promove produtividade no diversifikasaun ekonomia, promove investimentu setor privadu, harii industria petrolifeira iha rai laran, infraestrutura bazika, hakbesik servisu publiku ba povu, haburas dezenvolvimentu rural, reforma setor justisa, hametin pas no estabilidade no konsolida politika esterna.
(cri)
