DILI,STLNEWS.co – Partidu politika 17 hala’o namanas kampanha eleitora, maibe iha partidu balu sei espresa nafatin rai odiu no vingansa ba malu, maski ida ne’e laos ezemplu diak ba jerasaun.
Tuir Sekretariu Jeral atual Xefi Bankada PD, Antonio da Conceicao katak, ohin kampanha tama ona ba loron 8, durante ne’e lao iha Timor laran depende ba partidu idak-idak, balu halo komisiu boot, balu mos halo dialogu iha postu ba postu, prosesu ne’e sei iha tendensia partidu boot sira nafatin rai vingansa ba malu.
Maski kampanha ne’e maneira atu eduka no konsensializa povu, atu bele hatene importansia votus ne’e rasik, maibe partidu hotu hakarak nia reklama situasaun rasik hodi dun no hatun partidu seluk.
“Ami PD nunka atu husik palku, deskontenti ho situasaun ida atu sae hodi hatun fali ema seluk, i antes atu sae mos ami husu, iha kritika ba governu nia responsabilidade ne’e normal, maibe seluk insulta malu labele, tanba ne’e ezemplu la diak ba jerasaun,” katak Antonio da Conceicao ba jornalista iha PN, Segunda nee (08/05/2023).
Nia dehan, politika ne’e normal iha vida demokrasia, tanba balu mos senti katak nia iha oportunidade atu koalia mak iha palku, ne’ebe dala ruma iha militantes PD nian mos espera sira nia hanoin iha palku, bainhira sira husik sira nia partidu hodi mai iha PD, maibe PD sempre fo atensaun, katak ida ne’e situasaun ladun diak.
Tanba PD hanoin katak tempu ona atu hametin unidade nasional, hodi lori nasaun ba oin, oinsa atu hadia povu nia moris ka hadia kualiadde de vida, atu kumpri direitu no dever.
Nia dehan, agora kampanha sei kontinua, tanba ne’e PD sei iha koredor ida ne’ebe diak liu, presiza normaliza fali populasaun sira nia fiar ba malu, tanba buat ne’ebe ema hotu hakarak relasaun povu ka militantes husi parpol hotu tenki diak nafatin, labele soe lia ka hasai linguajen atu provoka grupu ka ema seluk.
Nia katak, kampanha halo azitasaun ba mudansa katak ida ne’eba laloos, ida ne’eba mak loos, halo azitasaun hasae grupu ida, hatun grupu seluk, hodi kria situasaun ne’ebe ladiak, kuandu situasaun instabilidade lao nafatin prezudika ba dezenvolvimentu no povu mak afetadu, tanba sira moris hela iha sira nia fatin, areas remotas, sira bele servisu toos ho natar, maibe laiha merkadu diak hodisira faan produtu ne’e estragus hotu, prosesu esporta lalao.
Timor tenki hamriik hanesan nasaun, diferensa iha partidu politiku laiha buat ida, maibe hamriik ba nasaun hodi hatuur TL ho loos.
(gui)
