DILI, STLNEWS.co – Relasiona kazu roo Haksolok neebe sai polemika iha publiku, Bankada FRETILIN husu loke auditoria uluk ba Kay Rala Xanana Gusmao ho Pedro Lay, tanba Mari Alkateri sai terseiru pesoa.
“Atu halo auditoria, ami husu atu hahu halo aditoria husi Xanana Gusmao no Pedro Lay, tanba evidensia iha asinatura sese mak asina kompletu iha nee, lori ba haree fila fali, depois hau entrega,” dehan Deputada Banakada FRETILIN, Maria Anabela Sabio iha ambitu debate programa loron daruak iha PN, Kuarta (19/07/2023).
Nia dehan, iha tempu neeba Primeiru Ministru atual mak ukun, ida nee rezultadu husi esforsu neebe mak Doutor Mari Alkateri halo ona.
Nia afirma, maibe roo Haksolok iha publiku sai hanesan polemika boot iha rai lulik ida nee, tanba bazeia ba dadus no kronolojia kontratu ho roo Haksolok, Doutor Mari sai hanesan terseira pesoa husi Sr. Xanana Gusmao no Sr. Pedro Lay.
Nia hatete, tanba Xanana nudar Primeiru Ministru iha momentu neeba, no Pedro Lay asumi pasta MTK, iha nee publiku tenki hatene katak, ita boot nain 2 mak foti desizaun no entrega kontinuasaun kontratu ba Dr. Mari hodi kontinua halao dadus kompletu iha nee.
Nia sublina, tanba sa durante nee ita boot nain 2 nonok deit, no lakohi esklarese ba publiku katak, ita boot nain 2 mak halo ajudikasaun direta ba kompanhia atu halo roo Haksolok.
Nia hatutan, maibe atu hatete katak relasiona ho roo Haksolok la kleur finaliza ona, no sei mai iha TL iha tempu badak.
(dom)
