DILI, STLNEWS.co – Xefi Bankada KHUNTO, Deputada Olinda Guterres hatete, KHUNTO lakohi campur tangan konaba dezentendimentu entre Prezidente Republika (PR) Jose Ramos Horta, ho Primeriu Ministru (PM) Taur Matan Ruak, husik sira mak buka malu.
Nia dehan, relasiona ho dezentedimentu entre PR ho PM nian, ida nee parte husi ema nivel altu ninian.
“Ami deputadu labele ba campur tangan, nee sira nia direitu no husik sira mak ba buka malu no lao ba malu, tanba ami hatene fokus ba ami nia servisu iha parlamentu nudar deputada halo fiskalizasaun i halo lei no aprova lei hodi hasae povu nia aspirasaun, nee mak ami nia servisu,” dehan Deputada Olinda ba STL Sabadu nee (01/04/2023).
Nia tenik, agora dehan atu mosu impaktu mos bainhira sira tur hamutuk fila fali buat hotu diak, husi oin mak dehan haree malu la diak, maibe husi kotuk haree malu diak hela.
Nia sublinha, hanesan iha parlamentu deputadu sira raut malu too atu baku malu, maibe bainhira sai mai liur nee hanesan buat ida la kona, hanesan mos sira iha neeba, no sira veteranu hotu sempre unidade hela, laos fahe malu.
(dom)
