DILI, STLNEWS.co – Reprezentante povu iha uma fukun Parlamentu Nasional (PN), Bankada KHUNTO preokupa ho kazu neebe akontese iha Ainaro, Nunomoge, inan feton ho nia kaben inkui bei-oan hetan oho no mate iha fatin.
Preokupasaun nee hatoo husi Xefi Bankada KHUNTO, Deputada Olinda Guterres liu husi Plenaria iha PN, Tersa nee (18/04/2023).
“Hakarak hatoo problema neebe akontese iha Nonumoge, ferik ho katuas ho nia bei-oan hetan oho, ida agora iha hospital hela, no ema sira iha neeba telefone mai hau, sira kestiona katak ita nia lei la forti,” dehan nia.
Nia afirma, husu ba Komisaun A neebe halo lei haree ba oho malu nee oinsa, tanba akontese iha kalan ida familia oho malu mate nain 3.
Nia hatutan, tanba nee husu atu halo lei ida neebe rigorozu ba sira neebe gosta oho ema, akontese nee suspeitu ba toba iha uma hodi oho katuas ferik ho nia bei-oan mate dala ida.
(dom)
