KHUNTO Rezeita Fasilita Kartaun Eleitoral Ba Sidadaun Indonezia

DILI, STLNEWS.co – Partidu Kmanek Haburas Unidade Nasional Timor Oan (KHUNTO) rezeita informasaun neebe oras nee espalha iha publiku katak, KHUNTO fasilita kartaun eleitoral ba sidadaun Indonezia nain 2.

“Ida nee atu dehan deit katak, ami husi Partidu KHUNTO rezeita informasaun ida nee, tanba partidu politiku sira laiha autoridade atu trata kartaun eleitoral ba sidadaun neebe deit,” dehan Visi Prezidente Parlamentu Nasional, Luis Roberto ba STL liu husi telefone, Sesta nee (12/05/2023).

Nia hatutan, Partidu KHUNTO rezeita informasaun nee, tanba tuir lei neebe mak iha, partidu politiku sira laiha autoridade atu trata kartaun eleitoral ba sidadaun neebe deit.

“Ida nee hanesan propaganda baratu ba ami husi Partidu KHUNTO, ami rezeita informasaun ida nee, tanba ita hotu hatene katak, estadu mak nain ba ida nee, oinsa atu produs kartaun eleitoral ba nia sidadaun sira neebe prienxe rekezitus, kuandu prienxe rekezitu mak foin bele produs kartaun eleitoral no pasaporte,” dehan nia.

(alb)

LEAVE A REPLY

Please enter your comment!
Please enter your name here